Había unha vez....

Había unha vez...
Aquí comeza a historia, de como coñecín a vinte e tantos nenos e nenas e ás súas profes, o seu día a día, os seus problemas e disgustos, as súas ilusións, e as ganas de descubrir, de explorar e de curiosear un mundo que aínda están empezando a coñecer.
Teño a sorte de poder entrar nas dúas aulas dunha pequena escola unitaria,chámase "Os Ánxeles", en Brión, é unha casiña de pedra que tódalas mañás e tódalas tardes abre as súas portas coloradas de emoción, para recibir a pequenos e pequenas das casas dos arredores, os máis cativos/as teñen 3 anos, os/as maiores, 5 anos, e cada un deles está comezando ou continuando unha viaxe que os levará... quen sabe? ó mellor, algun deles ou delas, acaba como mestre ou mestra, contaxiado desta inquedanza de achegarnos tanto ó mundo dos nenos e nenas, que nos leva a espachurrar o noso nariz contra os cristais das súas escolas.
Poderei descubrir neste tempo, se efectivamente, esta escola é de "anxos" ou "diablillos".
Que empece a función.