Capítulo 3

O xoves foi un día bonito, Jasim non veu á escola, pero os demáis xa estaban agardando no rincón dos contos a poesía coa que empezar a xornada, xa que esta tempada, nesta clase están traballando poesía, e leese unha ó entrar e outra ó saír, as poesías tratan sobre contos clásicos que os nenos e nenas xa coñecen, así que despóis de lelas, iniciamos un xogo de adiviñas para comprobar que os rapaces/as entenderon o lido e saben de que conto se lles está a falar.

Despóis os de cinco anos tocoulles facer traballo de matemáticas nuns cuadernos editados, e os de 3 e 4 anos pintaron, a mestra púxolles un cuño coa data ós debuxos e pinturas de cada un, e animounos a escribir debaixo dos debuxos un título ou nome da súa creación.
Cando os maiores acabaron de desenredar un lío de globos que viña no seu caderno, todos xuntos acabaron a xornada xogando ós clips de playmóbil, dinme conta, entón, do interese deste xogo, non sexista e que permite a participación de todos, deixando un espacio e un ritmo de xogo diferente para cada un/unha.

Mentres o gran grupo xogaba un par de nenas estaban a confecciona-la súa silueta, mañá preguntareilles que dinámica seguen e por que fan esa silueta.
Para marchar fixemos un tren grande, e despóis da poesía de despedida, marchamos para a casa!.