Capítulo 4

Venres, o último día da miña primeira semana como observadora na escola, cando falara coa mestra sobre as miñas prácticas pedinlle que me deixase unha semana para afacerme ós seus ritmos, para coñecer ós e ás rapaces/as, porque nunca antes tivera contacto co día a día dunha clase de infantil, e quería entende-la súa dinámica antes de propoñer algo, así que este era o último de día de recollida de información e de observación no sentido estricto, porque a miña idea é comezar en breve, a propoñer e levar a cabo actividades, programacións e proxectos que se me foron ocurrindo.

Como sempre o rincón do conto estaba a agardarme e os pequenos/as nel, cando cheguei estaban a sortear a revista do "Plis-Plas", que foi recibida cunha tremenda alegría para ós e ás afortunados/as, aínda que o feito de ter que decir un número do 1 ó 10 non o entenderon moi ben, repetiron números, e olvidáronse doutros.
Despóis, mentres os maiores traballaban nos cadernos de matemáticas, dous deles o facían no ordenador cun programa de sumas e restas.
Os pequenos/as ensináronme o xogo de cartas que tocaba para esta tarde o "Unno", no que tiñamos que emparellar animais ou números, respetando os trunos de cada un, o que esixía un bo nivel de atención, para saber cando lle chegaba o turno a cada xogador.
Para rematar a tarde unha nena deixoume facer a súa silueta, que pode decorar do xeito que ela queira pero sen repetir as decoracións dos seus compañeiros, aínda está pensando cómo o vai facer...
Un tren, e xa chegou a hora da saída!