Capítulo 5

En toda esta semana non tiven un anaquiño para poñer ó día ó blog, así que hoxe vou facer un percorrido-resumo polas andainas destes días.
O luns cambiei de aula, e de mestra, nesta nova aula as cousas son moi distintas, a organización, as rutinas, oas relacións...
Temos, a destacar unha nena de procedencia china, que chora moito, pero que pouquiño a pouco vaise integrando, anque a hora da separación dos seus pais, cando entra na escola pola mañá, é, sen dúbida, a máis dura para ela.

Os encargados do día distribúense de xeito distinto, hai dous, un dos "pequenos" e un dos "maiores",xa que nas actividades de "traballo" tamén son separados por idades tódolos nenos/as e postos en mesas distintas.
O encargado/ maior chama a cada neno/a lendo o seu nome nunha lista, e o neno ou nena que é chamado ten que busca-la súa foto para colocala nun panel da parede no que hai unha escola ou unha casa.
A encargada pequena encárgase de poñerlle un sombreiro (debuxado en papel) á unha bruxa Peluxa que teñen na parede, anque realmente existe a boneca non a utilizan ( a mestra dí que si un día se portan ben algún neno/a a levará para a casa, pero que iso aínda non aconteceu) , empregan un debuxo colgado na parede, e segundo o día póñenlle un gorro de chuvia ou de sol.

Despóis a mestra pregunta que tal foi a tarde anterior e cada neno/a conta algo pedindo turno de palabra, cando rematamos, a mestra amosa unhas láminas con debuxos para que os nenos/as adiviñen que é o que ven, a continuación pasan ó traballo de mesa. Despóis de scribir no encerado que día é.Os maiores traballarán sobre esas láminas, os de tres anos están co número un e a ficha que hoxe lles toca é de pintar unha mazá,ós de catro fan ficha de círculos e cadrados.
Xurde algún conflicto entre as pinturas ou porque a un neno non lle apetece pintar, a mestra"castiga" ós pequenos/as con que se vaian sentar e pensen. Non os anima a negociar entre eles, nin a aclarar e falar os conflictos, os nenos/as sentan e despois dun rato din que xa pensaron, a mestra pregunta a que conclusión chegaron e si ésta é satisfactoria volven a incorporarse á actividade.

Cando toca no horario a área de relixión, acude unha mestra allea ó centro coa que normalmente, pintan velas, anxiños..., os nenos/as que teñen alternativa, van a un espacio diferente da aula, e tamén pintan, flores.
Cando remata a clase o grupo vólvese a unificar e chega unha hora de xogo , na que se propoñen cada día uns materiáis distintos: luns platilina, martes puzzles... pero a realidade é que é bastante aleatorio, fórmanse pequenos grupos nos que cada un escolle o xoguete que quere independentemente de que os seus compañeiros/as estén coa plastilina.
Á hora da despedida os nenos/as cambian o mandilón polo abrigo e marchan, mentres a mestra canta (ela soa, os pequenos/as non lle fan demasiado caso).